Տնտեսական գործունեությունը
Կադրային և տեխնիկական ռեսուրսները

Ընկերությունն ունի շուրջ 650 աշխատակից: Արտադրության մեջ ներգրավված կադրային կազմի արհեստավարժ կորիզն ընկերությունը հիմնականում ժառանգել է Ալավերդու լեռնամետալուրգիական կոմբինատից, որը Խորհրդային Հայաստանի ամենահզոր արտադրական կառույցներից մեկն էր: Աշխատանքային կոլեկտիվը բաղկացած է ինչպես լեռնահանքային արդյունաբերության և մետալուրգիայի բնագավառի, այնպես էլ արտադրության սպասարկման համար անհրաժեշտ օժանդակ աշխատանքների և հարակից ոլորտների բարձրակարգ մասնագետներից: Ընկերության պղնձաձուլական գործարանը միակն է տարածաշրջանում: Անզուտ պղնձի արտադրության և իրացման բնագավառում ընկերության արտադրական կարողությունները թույլ են տալիս վերամշակել տարեկան մոտ 50 հազ. տոննա խտանյութ և արտադրել մինչև 10000 տոննա անզուտ պղինձ (անզուտ պղնձի արտադրության ծավալը կախված է վերամշակվող խտանյութի մեջ պղնձի պարունակությունից, ինչը ներկայումս, կախված մատակարարներից, տատանվում է 14%-ից մինչև 28%-ի սահմաններում): Ընկերության արտադրական հզորությունները բավարար են Հայաստանում և հարևան երկրներում արդյունահանվող պղնձի ողջ քանակությունը վերամշակելու և արտահանելու համար: Թողարկվող արտադրանքը՝ անզուտ պղինձը վաճառվում է համաշխարհային մասշտաբով բարձր համբավ ունեցող գերմանական Aurubis ընկերությանը:
«Վալլեքս» խմբի ընկերություններ
Հայաստանի Հանրապետություն
ք. Երևան, Խանջյան փ.19
Հեռ.` +374 10 51-08-88
Ֆաքս` +374 10 51-08-80
Developed by Smart Systems LLC